Zâl par furlan
Il Comune di Spilimbergo ha indetto la quinta edizione del concorso letterario in lingua friulana “Zâl par furlan”. Il tema dei racconti è libero, purchè all’interno del genere giallo. I racconti devono essere inediti ed in lingua friulana. Sono ammessi al concorso tutti i cittadini maggiorenni, esclusi i vincitori delle edizioni precedenti. Il termine ultimo per la presentazione elaborati è fissata nella giornata del 28 novembre 2014.
ZÂL PAR FURLAN
par une conte dal gjenar zâl e une conte a fumuts, simpri dal gjenar zâl, in lenghe furlane.
A ven bandide une sezion speciâl contis, simpri di gjenar zâl, risiervade aes scuelis
A puedin partecipâ ducj i citadins talians e forescj cun plui di 18 agns.Sezion speciâl scuelis: la partecipazion e je risiervade aes classis des scuelis secondariis di 1n grât de Regjon. No podaran partecipâ al concors i classificâts al prin puest des edizions prin.
Spedizion de documentazion e responsabilitât
Ogni autôr al podarà partecipâ a une sole sezion dal bant dome cuntun elaborât
che al varà di rivâ dentri des oris 12.00 dal 28 di Novembar dome par pueste a cheste direzion:
Comun di Spilimberc – Ufici Culture – Plaçute Tiepolo n. 1 – 33097 Spilimberc (PN).
Su la buste e à di jessi segnade dome la didascalie “5e edizion Zâl par furlan – Sezion contis” o “5e edizion Zâl par furlan – Sezion fumuts” e il codiç sielt dal autôr cence altre indicazion.
Sezion speciâl scuelis: l’elaborât al varà di sei firmât dal Dirigjent Scolastic.
Ogni classe, o grup di classe, al podarà partecipâ cuntun sôl elaborât che al varà di rivâ dentri des oris 12 dal 28 di Novembar dome par pueste a cheste direzion:
Comun di Spilimberc – Ufici Culture – Plaçute Tiepolo n. 1 – 33097 Spilimberc (PN).
Su la buste e à di jessi segnade dome la didascalie “5e edizion Zâl par furlan – Sezion speciâl contis scuelis” e il codiç sielt dal dirigjent scolastic cence altre indicazion.
Lis copiis dai elaborâts, a varan di jessi anonimis e vê parsore dal titul il codiç sielt dal autôr. Chel stes codiç e chel stes titul a varan di jessi segnâts ancje suntune buste sierade che e varà di vê dentri un sfuei dulà che a sedin scrits, in maniere clare e facile di lei: lis gjeneralitâts dal/de autôr/ autore (non, cognon, lûc e date di nassite), la sô direzion di pueste, numars di telefon e in câs direzion di pueste eletroniche, insiemi cuntune declarazion liberatorie che e autorizi la eventuâl publicazion de opare.
Pe sezion speciâl scuelis: il non dal istitût scolastic,dal dirigjent scolastic, direzion di pueste, numars di telefon e in câs direzion di pueste eletroniche, insiemi cuntune declarazion liberatorie che e autorizi la eventuâl publicazion de opare.
Su la buste plui grande a podaran jessi ripuartadis lis gjeneralitâts dal mitent, intal câs di restituzion par vie di problemis postâi.
La organizazion e proviodarà, cuant che i elaborâts a rivaran, a gjavâ i materiâi de buste grande e a distruzile, par garantî l’anonimât dai elaborâts. I elaborâts che a rivaran dopo dal tiermin previodût no saran ametûts al concors. Si consee di fâ une spedizion par racomandade A.R., pe date al fasarà fede il bol postâl.
Il Comun di Spilimberc, tant che Ent organizadôr, si risierve la facoltât di procedi a eventuâls integrazions e/o modificazions di chest regolament. I autôrs si cjapin ogni responsabilitât par ce che al tocje i contignûts e la autenticitât des oparis presentadis. Lis oparis vincidoris a restaran intal archivi dal Comun di Spilimberc. I autôrs a concedin a gratis ae Aministrazion Comunâl di Spilimberc il dirit di opzion pe eventuâl stampe in prime edizion des oparis, autorizant a titul gratuit la publicazion su rivistis, gjornâi, sîts internet o la lôr esposizion in mostris.
Cun di plui i concorints si impegnin a no presentâ i stes elaborâts a altris concors e a no fâ viodi lis stessis oparis a editôrs o agjents fin che no si siere la manifestazion.
Acetazion des normis dal bant di concors
La partecipazion al concors e compuarte la acetazion complete e incondizionade di chest regolament.
I dâts tirâts dongje a saran tratâts intal rispiet di ce che al è previodût dal D.lgjs. 196/2003 (privacy).
Materiâl da scjariâ:
Category: Concorsi
